Liridon Podrimaj nga Gjakova, i shpallur në kërkim nga Policia për veprat penale të kërcënimit ndaj personit zyrtar, mbajtjes së armëve pa autorizim dhe posedimit të paautorizuar të narkotikëve, është vetëdorëzuar në polici më 23 shkurt 2026. Pas intervistimit, ai është dërguar në mbajtje për 48 orë me vendim të prokurorit të shtetit. Policia Rajonale e Gjakovës kishte kërkuar bashkëpunim nga qytetarët për lokalizimin e tij që nga data 12 shkurt 2026. Policia e Kosovës falënderon qytetarët dhe mediat për mbështetjen dhe thekson përkushtimin e saj në garantimin e rendit dhe sigurisë publike.