Pas 8 ditësh qëndrimi në arrati, Vezir Haziraj u dorëzua sot në polici si i dyshuar për disa vepra penale. Gjatë intervistimit në prani të avokatit të tij, u bë e ditur se Haziraj ndodhet në gjendje të rënduar emocionale dhe po përdor medikamente si tramadol dhe diazepam. Avokati i tij kërkoi një ekzaminim profesional për të vlerësuar gjendjen e tij dhe theksoi se çështja është ende në fazë fillestare, duke falënderuar Policinë e Kosovës për trajtimin profesional të rastit. Pas intervistimit, prokurori vendosi ndalimin e tij për 48 orë, ndërsa hetimet do të vazhdojnë brenda afateve ligjore.