Policia e Kosovës dhe Prokuroria Speciale kanë nisur hetimet ndaj një shtetasi serb, i cili dyshohet se gjatë manifestimit të 28 qershorit në Gazimestan ka realizuar dhe publikuar një video me përmbajtje që nxit urrejtje dhe përçarje ndaj qytetarëve dhe shtetit të Kosovës. I dyshuari, identifikuar si Vuk Marinovic, rreth 27 vjeç, është larguar nga Kosova më 28 qershor përmes pikës kufitare në Jarinjë, ndërsa hetimet për rastin vazhdojnë. Policia ka njoftuar se gjatë manifestimit nuk janë regjistruar incidente të mëdha, por janë shoqëruar 37 persona për thirrje provokuese dhe një person është gjobitur për prishje të rendit. Rasti trajtohet me seriozitet nga autoritetet, të cilat po vazhdojnë verifikimet dhe procedurat ligjore për veprën penale “Nxitja e përçarjes dhe mosdurimit”.