Një video ku një i mitur ekspozonte një armë ka alarmuar Policinë në Suharekë, duke çuar në identifikimin e dy personave të dyshuar, një 23-vjeçare dhe një 15-vjeçar. Pas hetimeve, në shtëpinë e të dyshuarës u gjet dhe u sekuestrua një pistoletë “Zoraki M.906-T” me karikator. Të dy të dyshuarit janë intervistuar në praninë e avokatëve dhe më pas janë liruar në procedurë të rregullt, ndërsa rasti është iniciuar për mbajtje dhe posedim të paautorizuar të armës. Policia dhe Prokuroria vazhdojnë hetimet për të zbuluar prejardhjen e armës dhe për të sqaruar rrethanat e ngjarjes.