Janë kaluar një vit e dhjetë ditë nga vrasja e trefishtë në Gjilan, ku u vranë Selami dhe Edmron Hasani, babë e bir, si dhe Abedin Hoxha. Të dyshuar kryesorë për këtë ngjarje janë Mefail Shkodra dhe dy djemtë e tij, të cilët vazhdojnë të jenë në arrati. Familja Shkodra ka ngritur një ankesë duke pretenduar se vila e tyre luksoze në Makresh të Novobërdës po sulmohet dhe dëmtohet qëllimisht nga një çift bashkëshortor nga familja Bunjaku. Sipas familjes Shkodra, kjo është hera e tretë që prona e tyre sulmohet, pavarësisht një mase gjyqësore që ndalon afrimin e personave të akuzuar pranë vilës, ndërsa deri më tani nuk ka pasur reagim nga palët e përfshira apo nga autoritetet.