Ambasadori i Kosovës në Shqipëri, Skënder Durmishi, së bashku me kryetarin e Bashkisë së Lezhës, Pjerin Ndreu, vizituan në Spitalin Rajonal të Lezhës tre të rinjtë kosovarë që po marrin trajtim mjekësor pas ngjarjes tragjike në plazhin e Ranës së Hedhun në Shëngjin. Dy të rinj humbën jetën si pasojë e mbytjes në det, ndërsa tre të tjerë janë në gjendje të stabilizuar dhe nën kujdes të vazhdueshëm mjekësor. Ambasadori falënderoi ekipet mjekësore dhe strukturat vendore për reagimin e shpejtë dhe shprehu solidaritet me familjet e viktimave. Mjekët bëjnë me dije se parametrat shëndetësorë të të rinjve po monitorohen në mënyrë të vazhdueshme dhe janë të qëndrueshëm deri tani.