Një vjedhje e planifikuar me kujdes ka ndodhur në vilën e familjes së tenorit të njohur Andrea Bocelli në Forte dei Marmi, Itali, gjatë natës midis 26 dhe 27 qershorit. Vila ishte e dhënë me qira për një familje amerikane, të cilët kishin dalë për darkë kur hajdutët hynë dhe morën bizhuteri, orë luksoze, para cash dhe çanta të shtrenjta, me një vlerë që mund të arrijë deri në 500 mijë euro. Hetimet tregojnë se dera nuk ishte mbyllur si duhet dhe sistemi i alarmit nuk ishte aktivizuar, duke lehtësuar veprimin e grabitësve, ndërsa autoritetet po shqyrtojnë pamjet e kamerave të sigurisë për të identifikuar autorët. Kryebashkiaku i zonës ka shprehur keqardhje dhe ka theksuar përpjekjet për rritjen e sigurisë, duke bërë thirrje për përdorimin e sistemeve të mbrojtjes nga pronarët e banesave.