Një vjedhje e rëndë ka ndodhur në Ferizaj, ku persona të panjohur kanë hyrë në një shtëpi pa përdorur forcë, duke shfrytëzuar faktin që çelësi ishte lënë në një vazo pranë derës hyrëse. Ngjarja ka ndodhur në rrugën “Selim Badovci”, ndërsa pronari i shtëpisë kishte dalë rreth orës 18:30. Hajnat kanë marrë rreth 40 mijë euro para të gatshme dhe stoli ari në vlerë rreth 5 mijë euro, duke lënë pas një skenë të rrëmujshme në shtëpi. Pas vjedhjes, dera është mbyllur sërish për të mos tërhequr vëmendje, ndërsa njësitet e hetimeve rajonale dhe forenzika janë angazhuar në mbledhjen e provave dhe identifikimin e të dyshuarve. Rasti është iniciuar si “Vjedhje e rëndë” dhe hetimet vazhdojnë nga autoritetet kompetente.