Një shtetas i Kosovës, me inicialet D.R., u bë viktimë e një vjedhjeje gjatë një ndalesë për pushim në autostradën M5 në Hungari. Gjatë kohës që po flinte në veturë, persona të panjohur i hapën makinën dhe i vodhën çantën me rreth 8 mijë euro, dokumentet personale dhe kartelat bankare. Ai njoftoi menjëherë policinë hungareze dhe Ambasadën e Kosovës në Budapest, të cilët reaguan shpejt duke nisur hetimet dhe duke i siguruar dokumentet e nevojshme për kthimin në Kosovë. Viktima i bën thirrje bashkatdhetarëve të tregojnë kujdes të shtuar gjatë ndalesave në këtë autostradë, duke mos lënë sende me vlerë në vende të dukshme dhe duke siguruar automjetet e tyre.