Në fshatin Jarinje të Leposaviqit, një shtëpi është thyer me forcë nga persona të panjohur, të cilët kanë hyrë në katin e dytë përmes derës së ballkonit. Ata kanë marrë nga çanta e bashkëshortes së pronarit një shumë prej rreth 6,500 deri në 7,000 euro dhe 55,000 dinarë, që përfaqësojnë kursimet familjare. Policia dhe hetuesit kanë mbërritur në vendngjarje dhe kanë siguruar shtëpinë për hetime të mëtejshme, ndërsa rasti është iniciuar si “vjedhje e rëndë” me urdhër të Prokurorit të Shtetit. Hetimet për zbardhjen e plotë të ngjarjes vazhdojnë.