Një ngjarje e rëndë kriminale ka ndodhur në Prishtinë, ku persona të panjohur kanë hyrë me forcë në një banesë në rrugën “Kosturi”. Ata kanë demoluar ambientet e brendshme dhe kanë hapur me forcë kasafortën, nga ku kanë vjedhur dy pistoleta që pronari i banesës i kishte me leje të rregullt. Pronari, i cili ishte larguar nga shtëpia një natë më parë, ka vlerësuar dëmin në rreth 4.200 euro. Policia dhe Prokuroria kanë nisur hetimet për identifikimin e autorëve dhe rikuperimin e armëve të vjedhura, ndërsa rasti është regjistruar si “vjedhje e rëndë”.