Një vjedhje e rëndë ka ndodhur në fshatin Borovo të Leshakut, ku persona të panjohur kanë depërtuar në një shtëpi dhe kanë marrë rreth 12 mijë euro në kartëmonedha të ndryshme, 40 mijë dinarë serbë dhe stoli ari. Autorët dyshohet se kanë hyrë nëpërmjet derës dhe dritares së depos, pasi dera kryesore ishte e mbyllur me çelës. Nga shtëpia janë marrë gjithashtu dy zinxhirë ari, ndërsa vlera e tyre nuk është përcaktuar ende. Policia dhe hetuesit kanë nisur hetimet dhe kanë njoftuar Prokurorinë për procedurën e “Vjedhjes së rëndë”, por deri tani nuk ka persona të identifikuar apo arrestuar. Rasti mbetet nën hetime për zbardhjen e plotë të ngjarjes dhe kapjen e autorëve.