Më 14 prill rreth orës 20:30 në fshatin Kamenicë të Leposaviqit, persona të panjohur kanë depërtuar në një objekt ndihmës të quajtur “shupë” dhe kanë vjedhur vegla pune, përkatësisht një makinë për shpim (burmashin) dhe një makinë për gërryerje (brusalicë). Vlera e sendeve të vjedhura është rreth 150 euro, sipas deklaratës së pronarit O. M. Ngjarja është raportuar në polici më 15 prill, dhe njësia patrulluese së bashku me hetuesit kanë nisur hetimet në vendin e ngjarjes për identifikimin e autorëve. Me urdhër të prokurorit kujdestar, rasti është iniciuar si “Vjedhje” dhe mbetet nën hetime të mëtejshme. Autoritetet vazhdojnë punën për zbardhjen e plotë të ngjarjes dhe kapjen e personave përgjegjës.