Mbrëmjen e 10 marsit në fshatin Pustenik të komunës së Hani i Elezit janë raportuar dy raste të ndara të vjedhjeve të rënda. Persona të panjohur kanë hyrë me forcë në dy shtëpi të ndryshme, ku në njërën kanë vjedhur stoli ari dhe para të gatshme, ndërsa në tjetrën dy pushkë gjuetie dhe ari. Njësitet policore kanë dalë menjëherë në vendin e ngjarjes dhe kanë nisur hetimet për zbardhjen e rrethanave dhe identifikimin e autorëve. Autoritetet vazhdojnë punën për kapjen e të dyshuarve dhe sigurimin e provave në lidhje me këto vjedhje.