Në fshatin Komogllavë të Ferizajt, gjatë mbrëmjes së së enjtes, hajnat kanë depërtuar në një shtëpi familjare dhe kanë vjedhur 15 mijë euro para të gatshme, stoli ari me vlerë rreth 8 mijë euro dhe një armë zjarri me leje. Ngjarja ka ndodhur brenda një periudhe prej 50 minutash, ndërsa autorët kanë marrë edhe DVR-in e kamerave të sigurisë për të fshirë gjurmët e tyre. Policia dhe njësitet e hetimeve rajonale kanë dalë në vendin e ngjarjes dhe po vazhdojnë hetimet për identifikimin dhe arrestimin e autorëve. Në të njëjtën ditë janë raportuar edhe vjedhje të tjera të ngjashme në Ferizaj, ku persona të panjohur kanë thyer dritaret e shtëpive dhe kanë marrë para, stoli ari dhe armë, duke shkaktuar shqetësim të madh në komunitet.