Në Graçanicë janë raportuar dy raste të ndara vjedhjesh gjatë ditës së djeshme. Në fshatin Dobratin, në fermën e pulave, persona të panjohur kanë depërtuar me forcë dhe kanë vjedhur dy trafo të energjisë elektrike, duke shkaktuar një dëm mbi 30 mijë euro. Pronari i fermës ka deklaruar se objekti kishte qenë pa energji për rreth tre muaj dhe se vjedhja u zbulua kur një teknik shkoi për rregullimin e instalimeve. Në një rast tjetër, në orët e para të mëngjesit, hajnat kanë hyrë në një objekt fetar dhe kanë marrë rreth 70 euro para të grumbulluara nga besimtarët.