Një ngjarje e rëndë ka ndodhur në Kretë, ku 54-vjeçari Kostas Parasiris vrau me armë zjarri 21-vjeçarin Nikitas Gemistos, mikun e djalit të tij që kishte humbur jetën tre vite më parë në një aksident automobilistik. Aksidenti i vitit 2023 kishte shkaktuar vdekjen e djalit të 54-vjeçarit, Giorgos Parasiris, dhe plagosjen e rëndë të Nikitasit, i cili kërkoi që çështja të trajtohej në gjykatë për të hedhur poshtë përgjegjësinë e tij. Pas tre vitesh, babai i të ndjerit nuk pranoi kurrë fajësinë e Nikitasit dhe e ekzekutoi atë në rrugë, duke u dorëzuar më pas vetë policisë. Funeral i 21-vjeçarit u mbajt në një atmosferë të tensionuar, ku familjarët kërkuan largimin e policisë dhe motra e viktimës bëri thirrje për një nderim të veçantë, duke kërkuar që pjesëmarrësit të visheshin me të bardha dhe jo me të zeza.