Mbrëmë në Mitrovicën e Jugut, në rrugën “Adem Voca”, 37-vjeçari Erduan Hajdini u vra pas një sulmi me thikë brenda një banese në mëhallën e romëve. Sulmuesi hyri në shtëpi dhe pasi bisedoi me viktimën, papritur e goditi në fyt me thikë, duke shkaktuar vdekjen e tij dhe plagosjen e një personi tjetër. Në momentin e sulmit, në banesë ishin edhe vëllai i viktimës, i cili kishte ardhur nga Gjermania, një shok dhe vajza e vogël e Erduanit, ndërsa vëllai dhe shoku ndodheshin në ballkon dhe tentuan të kapnin sulmuesin, i cili arriti të ikë. Daja i viktimës theksoi se nuk kishte asnjë konflikt të mëparshëm mes viktimës dhe të dyshuarit, ndërsa policia arrestoi menjëherë autorin pas ngjarjes.