Rreshteri i Policisë së Kosovës, Muhamet Lika, u vra më 1 prill 2025 në Kaçanik, në një sulm me armë zjarri pak pasi kishte përfunduar orarin e punës. Prokuroria pretendon se vrasja ishte e planifikuar dhe se gjashtë të akuzuarit, përfshirë edhe të miturin Rejhan Bela, kanë pasur role të ndara në organizimin dhe ekzekutimin e krimit. Gjatë gjykimit, të akuzuarit kanë mohuar fajësinë, ndërsa avokatët e tyre argumentojnë mungesën e provave konkrete dhe se incizimet e kamerave nuk janë të mjaftueshme për të dëshmuar përfshirjen e klientëve të tyre. Bashkëshortja e viktimës dhe dëshmitarë të tjerë kanë dëshmuar për karakterin e mirë të rreshterit dhe për momentet dramatike të ngjarjes, ndërsa gjykimi pritet të vazhdojë në shtator me dëgjimin e dëshmitarëve të tjerë.