Tre ditë pas vrasjes së turistit portugez Luis Miguel Varela Mendes në ambientet e jashtme të një lokali në Ksamil, 13 persona do të dalin sot para Gjykatës së Sarandës për t’u njohur me masat e sigurisë. Në mesin e të akuzuarve janë autori i dyshuar, dy shtetas turq që ndihmuan në arratisje, kamarierë dhe punonjës sigurie të lokalit “Principotes”, ku nisi sherri fizik. Policia po kryen kontrolle në tre qytete për kapjen e dy personave të tjerë, përfshirë pronarin e lokalit dhe një 29-vjeçar që dyshohet si bashkëpunëtor kryesor në krim.