Ish-finalistja e “Miss Zvicra”, Kristina Joksimovic, u vra në mënyrë makabre nga bashkëshorti i saj në shkurt të vitit 2022 në Binningen, pranë Bazelit. Sipas hetimeve, 41-vjeçari Marc Rieben e mbyti modelen pas një konflikti të ashpër dhe më pas tentoi të zhdukë trupin duke e copëtuar dhe përdorur mjete të ndryshme, përfshirë një blender industrial dhe solucion kimik. Konfliktet e tyre të vazhdueshme për divorcin, kujdestarinë e fëmijëve dhe problemet financiare ishin në qendër të ngjarjes, ndërsa raporti mjeko-ligjor rrëzoi pretendimin e vetëmbrojtjes nga autori. Autoritetet kanë evidentuar mungesë empatie dhe gjakftohtësi nga ana e të dyshuarit, si dhe probleme të mundshme të shëndetit mendor, ndërsa trupi i viktimës u gjet nga familjarët në dhomën e lavanderisë së banesës.