Luigi Esposito, gazetar i njohur sportiv italian, u gjet i vrarë dhe i djegur në një zonë rurale pranë Ebolit në provincën e Salernos. Trupi i tij u zbulua nga zjarrfikësit gjatë shuarjes së një zjarri në shkurre, ndërsa hetuesit dyshojnë se ai është qëlluar me armë zjarri para se t’i vihen flakë për të fshehur provat. Në vendin e ngjarjes u sekuestruan gëzhoja, ndërsa autopsia pritet të sqarojë shkakun e vdekjes dhe të ndihmojë në zbardhjen e plotë të ngjarjes. Deri tani nuk janë bërë të ditura motive apo autorë të dyshuar, ndërsa komuniteti mediatik italian mbetet i tronditur nga kjo ngjarje e rëndë.