Më 28 qershor 2026, në Ferizaj, Arjeta Roshaj dyshohet se ka privuar nga jeta F.H., i cili kishte një rast aktiv penal për dhunim në bashkëkryerje ndaj një të miture në Gjykatën Themelore të Ferizajt. Fillimisht, F.H. ishte liruar nga akuza, por vendimi u anulua nga Gjykata e Apelit dhe rasti u rikthye për rigjykim. Policia dhe Prokuroria konfirmuan se nuk kishte raste të mëparshme të raportuara mes F.H. dhe Arjeta Roshajt, megjithatë, ndaj saj është caktuar paraburgim 30-ditor për dyshimin e vrasjes. E dyshuara ka deklaruar se viktima e kishte kërcënuar më parë përmes rrjeteve sociale dhe e kishte sulmuar fizikisht në banesë.