Mbrëmjen e 28 qershorit në Ferizaj, një 24-vjeçare me inicialet A.R. dyshohet se ka vrarë me armë zjarri një 32-vjeçar, F.H., pas një përplasjeje të dhunshme në banesën e saj. Avokati i të dyshuarës ka zbuluar se viktima e kishte shantazhuar vazhdimisht me video intime dhe e kërcënonte me jetë, duke e detyruar A.R. të mos denonconte në polici për shkak të frikës së vazhdueshme. Në momentin e ngjarjes, pasi kishte marrë një mesazh kërcënues me foto të armës, viktima ka ushtruar dhunë fizike ndaj të dyshuarës, e cila në përpjekje për t’u mbrojtur ka përdorur një shishe xhami që i shkaktoi lëndime viktimës. Gjendja emocionale e 24-vjeçares është shumë e rënduar, ndërsa ajo ka shprehur dëshirë të mos deklarohet më shumë në seancën dëgjimore, duke theksuar se ngjarja ka ndodhur në një çast dhe pa qëllim për ta privuar nga jeta viktimën.