Një ngjarje e rëndë ndodhi në Memaliaj, ku Endri Goxhaj u vra pas një konflikti fizik mes shtatë personave. Sipas hetimeve, viktima qëlloi i pari me armë zjarri ndaj Dali Nelës, i cili mbeti i plagosur, ndërsa dy vëllezërit e tij, Donaldo dhe Marioldo Nela, dyshohet se qëlluan më pas në drejtim të Goxhajt, duke i shkaktuar vdekjen. Policia ka arrestuar deri tani tre persona, përfshirë 47-vjeçarin Aldo Kalemi, 25-vjeçarin e plagosur Dali Nela dhe 41-vjeçarin Ermal Mataij, ndërsa të tjerë janë shpallur në kërkim dhe nën hetim për veprat penale të ndryshme. Nga vendngjarja janë sekuestruar armë, municion, automjete dhe telefona, që do të ndihmojnë në vijimin e hetimeve për zbardhjen e plotë të ngjarjes.