Një ngjarje e rëndë ka ndodhur në Paskuqan, ku një 27-vjeçar humbi jetën pas të shtënave me armë zjarri. Në vendin e ngjarjes janë gjetur 10 gëzhoja, ndërsa dyshohet se i dyshuari ka tentuar të ekzekutojë edhe një person tjetër, i cili fatmirësisht ka shpëtuar. Policia e Tiranës e konsideron autorin shumë të rrezikshëm dhe ka bërë thirrje për kujdes dhe bashkëpunim nga qytetarët, duke ofruar një shpërblim prej 10 mijë eurosh për informacion që ndihmon në kapjen e tij. Ngjarja ka tronditur komunitetin dhe po vazhdojnë hetimet për zbardhjen e plotë të saj.