Në gjykimin ndaj Skender Krasniqit për vrasjen e F.Z. në gusht 2024 në Zllakuqan të Lipjanit, dëshmitari Beqir Krasniqi deklaroi se ngjarja filloi nga një përleshje mes dy adoleshentëve dhe më pas ndërhynë të rriturit. Sipas aktakuzës, pas një mosmarrëveshjeje në rrjetin social TikTok mes dy të miturve, njëri prej tyre, T.K., sulmoi me thikë A.Z., ndërsa më pas Skender Krasniqi goditi dy herë F.Z., duke i shkaktuar lëndime vdekjeprurëse. Dëshmitari nuk kishte parë përdorimin e thikës në vendin e ngjarjes dhe nuk ishte prezent në momentin e përleshjes, por konfirmoi deklaratën e dhënë më parë në Prokurori. Krasniqi akuzohet për vrasje të rëndë dhe mbajtje të paautorizuar të armëve, pasi gjatë kontrollit iu gjetën disa thika të sekuestruara nga autoritetet.