Mëngjesin e hershëm në Çarshinë e Vjetër të Gjakovës ndodhi një ngjarje e rëndë ku pronari i një kafeneje, Nexhdet Zymberaj, dyshohet se vrau klientin dhe shokun e tij, Rasim Binakajn, dhe plagosi një person tjetër. Ngjarja ndodhi pas një mosmarrëveshjeje mes tyre, ndërsa brenda lokalit ishin edhe persona të tjerë që panë ngjarjen dhe ndihmuan në dërgimin e të plagosurit në spital. I dyshuari, i njohur si person problematik, u vetëdorëzua në polici pasdite, ndërsa viktima 38-vjeçar u dërgua për obduksion. Policia dhe Prokuroria e Gjakovës trajtojnë rastin si “vrasje të rëndë”, ndërsa i plagosuri është jashtë rrezikut për jetë dhe po merr trajtim në Spitalin Rajonal të Gjakovës.