Mëngjesin e 16 marsit 2026, në një lokal në “Çarshinë e Vjetër” në Gjakovë ndodhi një ngjarje e rëndë ku një person humbi jetën dhe një tjetër u plagos. Viktima është Rasim Binakaj, 38 vjeç, ndërsa vëllai i tij, Edi Mehmeti, 29 vjeç, mbeti i plagosur dhe po trajtohet jashtë rrezikut për jetë. Në vendngjarje janë gjetur vrima plumbash dhe janë sekuestruar pesë gëzhoja dhe një mjet i mprehtë, që dëshmojnë për të shtënat me armë. Policia po kërkon pronarin e lokalit “My Place”, Nexhdet Zymberaj, i cili është larguar nga vendi i ngjarjes dhe konsiderohet i dyshuar për këtë rast. Hetimet për ngjarjen janë në zhvillim e sipër.