Një shtetas rus, Mikhail Shabunin, 30 vjeç, dyshohet për vrasjen e trefishtë në poligonin e qitjes “Češka zbrojevka” pranë Danilovgradit në Mal të Zi. Viktimat janë tre punonjës të poligonit: Petar Globareviq (24), Momir Radonjiq (67) dhe Nemanja Kapor (20), të cilët u qëlluan me armë zjarri. Pas ngjarjes, Shabunin dyshohet se është larguar me një makinë “Seat Cordoba” me targa PG AC 472, automjet në pronësi të babait të njërit prej viktimave. Policia malazeze ka nisur kërkime intensive për kapjen e tij, duke paralajmëruar qytetarët të qëndrojnë në shtëpi dhe të raportojnë çdo informacion në lidhje me vendndodhjen e të dyshuarit, duke theksuar se ai konsiderohet i armatosur dhe i rrezikshëm.