Një konflikt për një vend parkimi në lagjen nr. 3 të Kavajës ka përfunduar tragjikisht me vrasjen e 47-vjeçarit Skënder Vrapi. Ngjarja ndodhi pasditen e sotme kur viktima kishte parkuar makinën para banesës së Landi Puja, i cili i kërkoi të largojë automjetin. Pas një debati verbal, Puja nxori një thikë dhe goditi dy herë Vrapin në zonën e zemrës, duke i shkaktuar vdekjen në spital. Policia është vënë në ndjekje të autorit, i cili ka precedentë të mëparshëm kriminalë, ndërsa grupi hetimor po punon për zbardhjen e plotë të rrethanave të ngjarjes.