Një 20-vjeçar shqiptar, M.Ll nga Fieri, është vrarë në qytetin e Helsinborgut në Suedi, ndërsa në të njëjtën ngjarje është plagosur një vajzë 25-vjeçare që ishte në shoqëri me të ndjerin. Policia suedeze ende nuk ka zbuluar motivet e vrasjes dhe nuk ka identifikuar ndonjë të dyshuar për këtë rast. Sipas raportimeve, viktima dyshohet të ketë qenë pjesë e një rrjeti trafikimi droge në rajonin e Helsinborgut dhe Skane. M.Ll jetonte prej vitesh në Suedi së bashku me familjen e tij, ndërsa hetimet për ngjarjen vazhdojnë.