Trupi i një 25-vjeçari shqiptar, banues në Santa Vittoria d’Alba të provincës Cuneo në Itali, u gjet i pajetë pasditen e së premtes në një parcelë toke pranë rrugës Chivola. Viktima u zbulua pranë një automjeti "Lancia Ypsilon" me ngjyrë të zezë, që dyshohet të jetë në pronësi të tij. Autoritetet dyshojnë se i riu është vrarë me një plumb në kokë, ndërsa arma e krimit nuk është gjetur në vendngjarje, duke shtuar dyshimet për një vrasje të qëllimshme. Trupi ishte pjesërisht i mbuluar me rërë, ndërsa hetimet po kryhen nga karabinierët dhe njësia hetimore e Cuneos, nën drejtimin e prokurores Sara Paterno, e cila ka urdhëruar kryerjen e autopsisë për të zbardhur shkaqet e vdekjes.