Presidenti i Serbisë, Aleksandar Vuçiq, ka urdhëruar aktivizimin e strukturave kriminale, përfshirë Milan Radoiçiqin dhe rrjetin e tij, për të ndikuar në zgjedhjet komunale që po mbahen në disa komuna të Serbisë. Kjo nismë vjen si pasojë e frikës së humbjes së pushtetit në zona të ndryshme si Bor, Arangjelovac, Bajina Bashta, Kladovo, Knjazhevac, Kula, Luçani, Majdanpek dhe Smederevska Palanka. Përveç Radoiçiqit, në këtë operacion janë përfshirë edhe pjesëtarë të “mbrojtjes civile” dhe individë nga strukturat ilegale serbe në Kosovë, të cilët pritet të përdoren për të ushtruar presion mbi votuesit dhe përkrahësit e opozitës. Metodat e përdorura përfshijnë kërcënime, blerje votash dhe manipulime të tjera të organizuara për të deformuar procesin zgjedhor.