Gjykata e Tiranës ka vendosur masën e sigurisë “arrest në burg” për Ylli Zallën, i cili u arrestua në Krujë pas një operacioni të gjatë policor. Mbrojtja e tij ka argumentuar se armët dhe municionet e sekuestruara janë të vjetra, disa prej tyre të papërdorshme, dhe se Zalla nuk paraqet rrezikshmëri të lartë shoqërore. Avokati theksoi gjithashtu se Ylli Zalla u dorëzua vetë, duke thirrur efektivët dhe duke u identifikuar pa rezistencë, duke kundërshtuar pretendimet për shmangie nga policia. Megjithatë, Zalla ka deklaruar para gjykatës se ndjehet i kërcënuar nga policia dhe se është futur në hasmëri me zonën, por kjo nuk e ka shpëtuar nga masa e arrestit në burg të vendosur nga gjykata.