Në Gjykatën e Posaçme Kundër Korrupsionit dhe Krimit të Organizuar është dëshmuar Leonard Selimi, i afërm i biznesmenit Çajup Selimi, i cili u vra më 1 qershor 2021 në Tepelenë. Ai ka treguar se nuk ka dëgjuar krisma armësh në momentin e vrasjes dhe nuk ka parë autorin, por ka gjetur një plumb në banesën e tij pranë krevatit, të cilin ia ka dorëzuar policisë. Leonard Selimi ka përshkruar viktimën si një njeri punëtor dhe të qetë, i njohur për aktivitetin në tregtinë e çimentos, dhe ka shtuar se pas vrasjes u informuan për disa mosmarrëveshje të zgjidhura më parë me disa të rinj nga fshati Veliqot i Tepelenës, të cilat nuk japin shpjegim për ngjarjen.