Pas një hetimi dyjavor me metoda proaktive, policia e Durrësit finalizoi operacionin “Storm 16”, duke zbuluar një ambient të marrë me qira në lagjen nr. 13 ku ushtrohej prostitucion. Në këtë operacion u proceduan penalisht dy shtetase braziliane, të cilat dyshohet se ushtronin prostitucion në ambientin e marrë me qira dhe në një hotel, si dhe administratori i hotelit për fshehje të të ardhurave. Gjithashtu u proceduan edhe tetë shtetas shqiptarë nga Vlorë, Durrës dhe Divjakë, ndërsa dy shtetase të tjera braziliane u shpallën në kërkim për veprat penale “Përshtatja e ambienteve për prostitucion” dhe “Prostitucioni”. Policia sekuestruar shuma parash të dyshuara të përfituara nga kjo veprimtari, 10 celularë dhe pasaporta, ndërsa materialet iu referuan Prokurorisë së Durrësit për veprime të mëtejshme.