Në fshatin Jabllanicë e Vogël të Pejës u zbulua një laborator i mirëorganizuar për kultivimin e drogës, ku policia sekuestruar 91 bimë kanabis Sativa, rreth 4 gramë marihuanë, një armë zjarri automatike tip “Scorpion”, një thikë luftarake, peshore elektronike, pajisje moderne për kultivim dhe paketim, si dhe një telefon mobil. Gjatë kontrollit u konstatuan edhe lidhje ilegale me energji elektrike që dyshohet të jetë përdorur për funksionimin e laboratorit. I dyshuari, një mashkull kosovar 38 vjeç, u arrestua dhe ndodhet në ndalim për 48 orë, ndërsa hetimet vazhdojnë. Autoritetet theksuan se ky rast dëshmon për një organizim të sofistikuar kriminal dhe se lufta kundër narkotikëve mbetet prioritet, me operacione të ngjashme që do të vazhdojnë në rajonin e Pejës.