Policia në Shijak ka zbuluar një ambient të mbyllur të përshtatur për kultivimin e bimëve narkotike kanabis, ku u sekuestruan 180 vazo, boçe kanabisi, llamba, ventilatorë dhe pajisje të tjera ndihmëse. Në operacion u arrestuan katër persona, përfshirë një punonjës të OSHEE-së, i cili dyshohet për mosraportim të lidhjes së paligjshme të energjisë elektrike, ndërsa një tjetër u shpall në kërkim. Sipas hetimeve, ambienti ishte marrë me qira dhe përshtatur nga disa prej të arrestuarve për kultivim në bashkëpunim, ndërsa një prej tyre dyshohet për moskallëzim krimi. Hetimet dhe kërkimi për personin në arrati vijojnë, ndërsa materialet iu referuan Prokurorisë së Durrësit për veprime të mëtejshme.