Një vajzë 14-vjeçare me inicialet E.Sh. është raportuar e zhdukur në Prishtinë që nga data 11 prill, kur ajo është larguar nga shtëpia rreth orës 17:00 dhe nuk është kthyer më. Babai i saj, R.S., ka njoftuar policinë më 12 prill në Stacionin Policor “Jugu”, duke kërkuar ndihmë për gjetjen e vajzës, e cila më parë kishte ikur nga shtëpia, por ishte gjetur pas disa ditësh. Policia ka ndërmarrë veprime të menjëhershme, duke kryer verifikime në disa lokacione, përfshirë edhe një adresë të dyshuar në Fushë Kosovë, por pa rezultat deri më tani. Me udhëzim të prokurorit kujdestar, rasti është iniciuar si “Person i zhdukur” dhe hetimet vazhdojnë për të gjetur vendndodhjen e vajzës.