Një zjarr masiv ka përfshirë sipërfaqe të mëdha toke në fshatin Koilac të Mallakastrës, duke rrezikuar seriozisht banesat dhe jetën e banorëve. Për shkak të erës së fortë, flakët po përhapen me shpejtësi drejt zonave të banuara, duke detyruar evakuimin e disa familjeve dhe angazhimin intensiv të forcave të policisë, zjarrfikësve dhe emergjencave civile në terren. Policia dhe grupi hetimor, në bashkëpunim me Prokurorinë, po punojnë për të përcaktuar shkakun e zjarrit dhe për të identifikuar autorët në rast se zjarri është shkaktuar qëllimisht. Autoritetet bëjnë apel për kujdes maksimal dhe ftojnë qytetarët të denoncojnë çdo zjarrvënie të paligjshme për të parandaluar pasoja të rënda për jetën, pronën dhe mjedisin.