Një vatër aktive zjarri ka shpërthyer në lagjen “Kushtrimi” të qytetit të Vlorës, duke përfshirë një hapësirë me shkurre dhe barishte në një zonë të banuar. Zjarri po përhapet me shpejtësi, duke rrezikuar banesat që ndodhen pranë zonës së prekura. Forcat zjarrfikëse të Vlorës kanë nisur menjëherë ndërhyrjen për të kontrolluar situatën dhe për të parandaluar përhapjen e mëtejshme të flakëve. Autoritetet po monitorojnë situatën me kujdes, ndërsa banorët mbeten në gatishmëri për çdo zhvillim të ri.