Mbrëmjen e sotme në lagjen Mati 1 në Prishtinë, një shtëpi është përfshirë nga një zjarr i madh, duke shkaktuar tym të dendur që ka mbuluar zonën përreth kompleksit Mileniumi. Ekipet e zjarrfikësve janë nisur menjëherë drejt vendit të ngjarjes, por ende nuk ka informacione të konfirmuara mbi shkakun e zjarrit apo për dëmet materiale dhe personat e lënduar. Zëdhënësi i Brigadës së Zjarrfikësve, Abdusamed Shkodra, ka bërë të ditur se situata është në zhvillim e sipër dhe autoritetet po punojnë për të vlerësuar gjendjen në terren. Gazeta Sinjali do të vazhdojë të raportojë për çdo zhvillim të ri lidhur me këtë incident.