Një zjarr i madh shpërtheu më 7 prill 2026 në fabrikën e stiropolit “Sat Styro” në fshatin Mushnikove të Prizrenit, duke shkaktuar dëme materiale mbi 400 mijë euro. Zjarri dyshohet të jetë shkaktuar nga një makineri që përdoret për thithjen e pluhurit brenda fabrikës. Njësitë policore dhe zjarrfikësit reaguan menjëherë, duke lokalizuar dhe shuar flakët, ndërsa hetuesit dhe njësia e krimteknikës nisën ekzaminimet për zbardhjen e rrethanave. Si pasojë e tymit, një punonjës i fabrikës u dërgua në Emergjencën e Spitalit Rajonal në Prizren, ku u konfirmua se nuk kishte lëndime të dukshme dhe po merrte kujdes mjekësor. Hetimet për rastin vazhdojnë nën drejtimin e prokurorit të shtetit.