Një zjarr i madh shpërtheu të premten në qytetin Drammen, në jug të Norvegjisë, duke shkatërruar mbi 100 shtëpi dhe duke detyruar evakuimin e qindra banorëve. Flakët, të favorizuara nga erërat e forta, përfshinë një lagje me banesa të lidhura mes tyre dhe u përhapën edhe në pyjet përreth, duke vënë në alarm autoritetet dhe zjarrfikësit. Mbi 60 zjarrfikës dhe helikopterë u angazhuan në operacionin e shuarjes së zjarrit, ndërsa policia organizoi evakuimin e banorëve dhe monitoron situatën për të shmangur viktimat. Shkaku i zjarrit ende nuk është zbuluar, ndërsa hetimet pritet të fillojnë sapo flakët të vihen nën kontroll.