Një zjarr i përmasave të mëdha shpërtheu në një depo industriale pranë aeroportit Charles de Gaulle në Paris, duke krijuar një re të dendur tymi që mbuloi zonën përreth. Flakët përfshinë një fabrikë për prodhimin e bukës dhe ëmbëlsirave, ndërsa rreth 60 zjarrfikës u angazhuan për të vënë situatën nën kontroll. Autoritetet konfirmuan se nuk ka persona të lënduar dhe operacionet në aeroport vijojnë normalisht pa ndërprerje në fluturime. Hetimet për shkaqet e zjarrit janë në vazhdim, ndërsa pamjet e tymit të zi kanë shkaktuar shqetësim te banorët dhe udhëtarët në zonë.