Një zjarr masiv ka përfshirë një apartament në katin e tretë të një pallati shumëkatësh në lagjen “Gjevdet Nepravishta”, pranë spitalit të Lushnjës. Flakët dyshohet se janë vënë qëllimisht nga pronari i banesës, një 40-vjeçar, i cili më pas është larguar nga vendi i ngjarjes. Banorët e zonës kanë njoftuar menjëherë zjarrfikëset, të cilat kanë ndërhyrë shpejt dhe kanë izoluar zjarrin në apartament, duke shmangur përhapjen në banesat e tjera. Policia ndodhet në vendngjarje dhe po heton rrethanat, ndërsa autoritetet janë në kërkim të 40-vjeçarit, i cili dyshohet të ketë probleme të shëndetit mendor.