Një zjarr ka shpërthyer pasditen e së hënës në rrugën “Fatime Sokoli”, në zonën e Stacionit të Autobusëve në Prishtinë. Policia e Kosovës është njoftuar rreth orës 16:00 dhe ka dërguar menjëherë njësitet policore dhe zjarrfikësit në vendin e ngjarjes. Për shkak të rrezikut, autoritetet kanë evakuuar banorët e zonës për të garantuar sigurinë e tyre, ndërsa zjarrfikësit vazhdojnë punën për lokalizimin dhe shuarjen e zjarrit. Deri tani nuk ka raportime për persona të lënduar, ndërsa shkalla e dëmeve materiale mbetet ende e paqartë; policia pritet të japë më shumë detaje pas përfundimit të intervenimit.