Ndeshja mes Baselit dhe Thunit, e planifikuar për të shtunën në mbrëmje, është shtyrë për shkak të një zjarri të madh që përfshiu dhomën e zhveshjes në stadiumin “St. Jakob-Park” në Bazel. Zjarri shkaktoi dëme të konsiderueshme materiale, duke shkatërruar plotësisht dhomën e zhveshjes së ekipit të parë, si dhe zyrat e trajnerit, menaxherit, dhomat e fizioterapisë dhe pajisjet sanitare. Autoritetet raportuan se nuk pati të lënduar, por dëmet ishin të mëdha dhe kjo bëri të pamundur udhëtimin e ekipit të Baselit për ndeshjen në transfertë. Federata e futbollit njoftoi shtyrjen e ndeshjes, e cila ishte pjesë e javës së 33-të në Superligën zvicerane, ku Thuni është lider me 71 pikë, ndërsa Baseli renditet i katërti me 53 pikë.