Një stallë në fshatin Koshtovë të Mitrovicës së Jugut është përfshirë nga një zjarr i fuqishëm mbrëmjen e 8 gushtit, duke shkaktuar dëme të mëdha materiale. Brenda stallës ndodheshin një traktor, katër motoçikleta, kosa bari dhe mjete të tjera pune, të cilat janë shkatërruar nga flakët. Policia dhe zjarrfikësit kanë ndërhyrë menjëherë për të lokalizuar zjarrin, ndërsa fatmirësisht nuk raportohet për persona të lënduar. Rasti është nën hetim nga Prokuroria, ndërsa shkaku i zjarrit mbetet i panjohur dhe po hetohet si “Shkaktim i rrezikut të përgjithshëm”.